Arfbais Slofenia
Gwedd
![](http://upload.wikimedia.org/wikipedia/commons/thumb/8/8f/Coat_of_arms_of_Slovenia.svg/150px-Coat_of_arms_of_Slovenia.svg.png)
Mae arfbais Slofenia yn dangos tri brig Mynydd Triglav (mynydd uchaf Slofenia) ar gefndir glas mewn tarian ag ymyl coch. Dan Mynydd Triglav y mae dwy linell donnog sy'n cynrychioli'r môr a'r afonydd. Uwchben Triglav y mae tair seren aur chwe phigyn ar ffurf triongl. Daw'r sêr oddi wrth arfbais cowntiaid Celje. Mabwysiadwyd yr arfbais pan ddaeth Slofenia yn annibynnol o Iwgoslafia yn 1991.
Rhagflaenwyr a hanes yr arfbais
[golygu | golygu cod]![](http://upload.wikimedia.org/wikipedia/commons/thumb/d/da/Coat_of_Arms_of_the_Socialist_Republic_of_Slovenia.svg/125px-Coat_of_Arms_of_the_Socialist_Republic_of_Slovenia.svg.png)
Roedd y llinellau tonnog a delw Mynydd Triglav yn ymddangos ar arfbais Gweriniaeth Sosialaidd Slofenia pan oedd Slofenia yn rhan o Iwgoslafia. Fe'i hamgylchynwyd gan dorch ŷd, dail pisgwydd a rhuban coch, gyda seren goch sosialaidd ar y brig.